Issieħeb Magħna
Stedina lil dawk l-eluf ta' partitarji, Irġiel u Nisa, tal-Għaqda tal-Mużika San Gejtanu. Kun parti mill-Għaqda u mill-Istorja ta’ suċċess tagħha.
Issieħeb issa.
Kull ma trid tagħmel huwa li tniżżel il-formola tal-applikazzjoni minn din l-hemża, imla sewwa d-dettalji mitluba u ibgħatha f’dan l-indirizz:
Is-Segretarju Ġenerali,
Għaqda tal-Mużika San Gejtanu,
703, Palazz Thiene,
Triq il-Kbira
il-Ħamrun
Tinsiex:
- hemeż magħha ritratt qies tal-passaport
- kopja tal-karta tal-identità
- trid tkun għalaqt it-18-il sena
- il-proponent u s-sekondant iridu jkunu Imsieħba regolari tal-Għaqda – (f’kas li ma tafx persuni simili imla’ l-ewwel parti tal-formola biss u nagħmlu kuntatt miegħek aħna).
Kif taħdem il-proċedura tas-sħubija skont l-Istatut tal-Għaqda
Hekk kif applikazzjoni mimlija sewwa tasal fl-uffiċċju tas-Segretarju, din titwaħħal għal żmien 7 ijiem fin-Notice Board tal-Każin.
Wara titressaq fl-ewwel laqgħa tal-Kumitat għall-approvazzjoni.
Hekk kif approvata, l-individwu jiġi mgħarraf bil-miktub u jiġi mitlub javviċina lill-Kaxxier biex iwettaq il-ħlas tas-sħubija.
Għal sħubija ġdida hemm ħlas ta’ darba ta’ sħubija ta’ €12.
Il-ħlas annwali ta’ sħubija hu regolat mill-Istatut u bħalissa jaqra €20 fis-sena. Laqgħa Ġenerali biss tista’ tagħmel tibdil f’din ir-rata.
Is-sħubija tibda tgħodd mill-jum li fih jitwettaq il-ħlas ta’ darba ta’ sħubija (€12) u l-ħlas għas-sena partikulari li mbagħad ikun irid jiġġedded kull sena. Minn dakinhar li jsir dan il-ħlas l-individwu jikseb id-drittijiet ta’ Imsieħeb skont l-Istatut u wkoll ikollu dmirijiet li b’għemilu f’kull ħin ikun ta’ ġieħ għall-Għaqda.
